LUISTER: Onwettige storting by leë Moot erf

Onwettige storting by die erf. Foto: Verskaf

Dit blyk dat ’n leë erf met ’n vervalle gebou in die Moot nou ook ’n plek vir onwettige storting word.

Hierdie erf, op die hoek van Van Rensburg- en Paul Krugersstrate, is nou al vir jare ’n doring in die vlees vir die Tshwane-metro, sê DA-raadslid Elmarie Linde.

Sy sê die gebou word deur ’n privaat eienaar besit.

“Die stuk grond is jare gelede net so deur sy eienaars agtergelaat,” sê sy.

Die erf was verlede jaar nog gebruik deur sluipslapers as skuiling.

Sedertdien is die gebou op die erf heeltemal gesloop deur boewe en vandale, en is raamwerk en bourommel al wat nou oorbly.

“Inwoners van die Mayville-area is redelik ontsteld oor hierdie erf,” sê Linde.

Linde sê die gevolg van die leë erf is dat daar nou onwettig gestort word.

“Nie net is die gebou nou ’n oogseer nie, maar dit is ook nou besig om ’n gesondheidsrisiko te raak,” sê sy.

“Die vullis lok ook rotte en daar is nog steeds ’n paar mense wat daar slaap.”

Linde sê die Tshwane-metro is besig om ondersoek in te stel by die erf.

“Die eienaar skuld die metro ’n groot bedrag geld as gevolg van ’n agterstallige elektrisiteit- en erfbelastingrekening,” sê sy.

Sy sê die eienaar het sedert hy die erf gekoop het, nog glad nie erfbelasting of vir enige ander dienste betaal nie.

“Die stad is nou besig om ondersoek in te stel oor hoe hulle die skuld kan verhaal,” sê sy.

“Daar is ook nog ’n verband op hierdie erf by die bank. Die bank sal ook hier moet ingryp omdat die erf nou ’n groot probleem raak.”

Linde sê sy het intussen ’n versoek aan die metro gerig om die vullis te probeer verwyder.

“Só kan ons probeer om krisisbeheer toe te pas,” sê sy.

“Ongelukkig sal ons nie baie kan skoonmaak nie omdat dit onnodige uitgawes vir die stadsraad is, terwyl daar geen versekering is dat ons die geld sal terug kry nie.”

Sy sê alhoewel hulle die rekening aan die eienaar stuur, is daar geen versekering dat hy dit sal betaal nie.

“Wat dan gebeur is, ons moet dan die belastingbetaler se geld gebruik om ’n privaat erf skoon te maak – wat onaanvaarbaar is,” sê sy.

Linde sê onwettige storting bly ’n groot probleem in Pretoria.

Sy moedig inwoners aan om onwettige storting by die metro óf metropolisie te rapporteer.

“Dit is belangrik dat die onwettige storters op heterdaad betrap word, want dit maak dit makliker om boetes uit te reik,” sê Linde.

Die metro het teen druktyd geen terugvoer verskaf nie.

Onwettige storting by die erf. Foto: Verskaf

Onwettige storting by die erf. Foto: Verskaf

Onwettige storting by die erf. Foto: Verskaf

LISTEN:

Het jy dalk meer inligting rakende dié storie? Stuur gerus vir ons ‘n epos na [email protected] of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerwe:

Rekord Oos

Rekord Noord

Rekord Centurion

Rekord Moot

Besoek ook ons FacebookTwitter en Instagram blaaie.

  AUTHOR
Kayla van Petegem

Latest News

COMMENTS

Top
Recommended Story x
Spoed-kalmering in die weste

Thanks for your referral. We have no doubt your friends will love our newsletter as much as you!

Don't forget to verify your email.

to our FREE newsletter
SUBSCRIBE to our FREE newsletter.




SELECT your titles:

Centurion Rekord
Rekord East
Rekord Moot
Rekord North


Get regular news updates sent directly to your inbox.

Your source of local breaking news and trending stories from across the country.

Be a part of our growing community

1MILFacebook Fans
98KTwitter Followers
5MILMonthly Readers
12MILArticles Published Every Month
72Local Community Websites

SUBSCRIBE to our FREE newsletter

SELECT your titles:

Centurion Rekord
Rekord East
Rekord Moot
Rekord North

Get regular news updates sent directly to you inbox.

Your source of local breaking news and trending stories from across the country.

Be a part of our growing community

Subscribe Here
1MILFacebook Fans
98KTwitter Followers
5MILMonthly Readers
12MILArticles Published Every Month
72Local Community Websites
Your details:


Your friends: